දැවෙන බටහිර අහසෙ මැකෙන දේදුන්න දැක
මහළු වී මැරෙන හිරු ගොළු මුහුදෙ ගිලී යයි
දැවෙන බටහිර අහසෙ පැරණි නිම් වලල්ලක්
සිප ගනී මැකී යන අඳුරු වූ දේදුන්න
මුහුදු රැළි රැගෙන එයි පැරණි මතක ද සිතක
වෙරළ ඉම මත වැටී මැකෙන සුදු පෙණ අතර
මුහුදු රැළි රැගෙන එන සුදු පැහැති පෙණ කැටිති
වෙරළ ඉවුරත අඳියි මැකී ගිය පෙම් පුවත
පැරණි සෙනෙහස ගෙනෙන මුහුද උරණ ව බලයි
මතකයේ මැකී යනඅමුත්තකු ලෙස මදෙස
ගොළු මුහුදෙ සිහින් හඬ සෙමින් පවසයි රහස
ඈත සිට හමා එන මැකුණු දරු නැලවිල්ල ගැන
නැත ලියන්නට හසුන් කවි පොතක පිටු අතර
නැත ලියන්නට හදක් මැරුණු පෙම් පොකුරු ගැන
නැත ලියන්නට සිතක් මැරුණු සෙනෙහසක් ගැන
කාලයේ මාවතේ මැකී ගිය පුවත් මැද
Subscribe to:
Post Comments (Atom)
No comments:
Post a Comment