ගිම්හාන රළු දවස් ඉපිද ඇත
කරුමයක් සේ පැරණි
මා පෙළන රළු දවස්
නොවේ කීකරු වන්නෙ
සිහිල් පංකාවකින්
දැවෙන විට මුළු ලොවම
වායු සමනය පවා
කතර වට වැස්සක් ය
මුළු ලොවම දැවෙන කල
සැඟව ඉන්නට පවා
සොඳුරු පියසක් ද නැත
සැඟව ඉන්නට පවා නැත
නැත සරණ මා අවට
දැවෙන විට මුළු ලොවම
සිත දුවයි ගම ළිඳට
කුඹුක් ගහ යට රැඳුණු
නාන ළිඳ සිසිල් දිය
ගෙනෙන්නට තැත් කරමි
සිසිල් දිය මට උරුම
එතෙර කොට ගොළු මුහුද
Subscribe to:
Post Comments (Atom)
No comments:
Post a Comment